كلمات اغنية حظوظ الرياجيل مشعل الشهراني.
سبحان من قسم حظوظ الرياجيل
كل( ن ) وخذ قسمه حسب مالله اعطاه
احد(ن) خذاها بالهنا والتساهيل
احد (ن) خذاها بالشقا والمعاناه
هي سنة الدنيا بليا تفاصيل
توفيق وارزاقٍ من الرب مهداه
وانا اترقب طلعة الجدي وسهيل
واشوم عن بعض الدنايا والاشباه
اللي حصيلتهم من القال والقيل
ومتابع الزلات للشر مدعاه
فيهم خبيث لسان كذب وتهاويل
حسود وده تخفي الشمس يمناه
يالله عسى حظي مع الجيد يميل
مافيه درب فيه خير وتعداه
رجل (ن) على كل المهمات حلحيل
طلق الحجاج موسع البال لاقيل
لاقيل ياطيبه وياطيب ملفاه
مكرم كبير السن حشمه وتبجيل
رحوم في مادون سنه ليا جاه
لاجات للمدات ماعنه تحويل
يفزع بمايقدر من المال والجاه
همه يحصل عند ربه محاصيل
ماهومن اللي ينشدون المباهاه
درسه من المصحف تلاوه وترتيل
محفوظ من ربه وله ورد يقراه
وبسنة الهادي ختام المراسيل
يمشي على هديه يسوي سواياه
هذه ليامن جاك ماكنك تخيل
ألا سحاب الخير فالوسم مبداه
متفضلٍ من بين الاصحاب تفضيل
كل (ن) تمنى لو نهارين خاواه
اسم الاغنية : حظوظ الرياجيل
كاتب الاغنية : غير معروف
ملحن الاغنية : غير معروف
غناء : مشعل الشهراني
العربية
