يا واخد حق مش حقك
وفاكر انه متسابلك
وقع فى الخيه دى قبلك يا عم كتير
تغش فى سعر وتزور
تخالف لاجل ما تكبر
تبيع الوهم وتحور و تأذى كتير
ضميرك فين و فين حبك لبلدك كلها واهلك
لو السكه دى اسهلك ده وهم كبير
عيون الشعب صاحيالك
فى ناس جدعان وناويالك
وزى ما فى امثالك فى ناس فيها الخير
يا متخبى ورا ستاره
وفاكر الفهلوه شطاره
مكاسبك كلها خساره وبكره تشوف
فى ناس فى بلدنا رجاله
بافعالها ومش قواله
نهارها وليلها شغاله
ماتعرف خوف
ضميرك فين و فين حبك لبلدك كلها واهلك
لو السكه دى اسهلك ده وهم كبير
عيون الشعب صاحيالك
فى ناس جدعان وناويالك
وزى ما فيها امثالك فى ناس فيها الخير
اسم الاغنية : حق مش حقك
كاتب الاغنية : نور الدين محمد
ملحن الاغنية : احمد جمال
غناء : احمد جمال
العربية
