هب ريحٍ من شمالي
نودها من نود غالي
وذكرتني بالليالي
لي مناشيها عذيه
كم ليله قد سرينا
بالمحبه والتهينا
لين غير ما علينا
الرياح الموسميه
يا غرابيل المحبه
كم خله ما تنبه
لين فرق من نحبه
الظروف المبتليه
حسبي الله لي بلاني
بالمحبه في ثواني
ليت عود له زماني
كان مالي فيه نيه
ماعذلني فيه لايم
دام قلبي فيه هايم
شفت ربحي والغنايم
في طروف الغندريه
شطني به شط ثاني
لي صغير وبوثماني
الوضيحي والدماني
والعيون البابلييه
فيه كبر وفيه غرره
والتغطرس ما يضره
والعيون المستحره
ذابحتها الغنجهيه
شاقني له ريح بنه
زعفران وشي منه
والشعور اللي يكنه
ياشفوف الشاذليه
اسم الاغنية : حلو الليالي
كاتب الاغنية : سالم بن مسلم الصغيرة الكثيري
ملحن الاغنية : جمعة العريمي
غناء : جمعه العريمي
العربية
