حلوة الدنية جانت من جنت وياك
ومن عفتك ابشرك هسة بعد احلى
اني الما يحطني براسة مثل التاج
يحلم بعد احطة على الجفن كحلة
يمكن بالبداية استصعبت فركاك
عشت احساس جاهل من يعوف اهلة
وقوتني الكرامة الرخصتهة وياك
يناصي تريد كوة براسي تتعلة
يالدور رخص عالغالي شموازيك
ورخصت بغلاتي وكتلك انت اغلى
مثل الجمرة حلوة ومن تمسي اجويك
ياهو القمشرك باحساسي تتسلة
انه انطيتك دمع يكسر كلب دفان
بس البي عواج بروحة شيعدلة
صدك بعض البشر كلما ترفعة يطيح
مثل الماي دوم يدور النزلة
ادليك الذهب وتروح عالتراب
شسويلك طريق الذلة تندلة
مو بيدك صدك هو البشر تعويد
اكو يفرح الناس اتكرهه واهمله
خذت منك جرح كد طول خلكي وياك
جنت اكثر بشر يغلط واعبرلة
تبقى بذمتك كل دمعة نزلت يوم
كول شما كلت بس الله شتكلة
البنية التحب والتخلص ومتخون
اوصلك نصيحة اسمعهة مني وروح
وترجية على اذنك لازم تخلهة
مثل مكيول حرمة بشارب الرجال
اذن بعد الشوارب لا اطولهة
اسم الاغنية : حلوة الدنيا
كاتب الاغنية : غير معروف
ملحن الاغنية : غير معروف
غناء : رنين تبوني
العربية
