دنفش ولك دنفوشي ... شلتك بهاي برموشي
تاليها كل تعبي يروح ... ويطلع الك بلوشي
شلتك بكلبي وراسي .. تالي تشمد راسي
مانفع وياك رباي لا ملح بيت وحوشي
دنفش ولك دنفوشي ... شلتك بهاي برموشي
صدكت جذبك وأسفه يابو العيون الصدفه .. حبك لعب تاليتها حبك طلع مغشوشي
وياك ارجع هيهات .. حبك بليته وكش ماي
لتشوف نفسك مغرور .. ماتكدر على جيوشي
دنفش ولك دنفوشي ... شلتك بهاي برموشي
صدكني لازم انساك .. مراح اموت بلياك
ثابت وأعيــش بدنيا هاي .. ماشتلع انت رموشي
ماريد منك أي شي كفيني شرك وأمشي ... أي ربح منك ماريد ... ماريد اي دنفوشي
اسم الاغنية : دنفوشي
كاتب الاغنية : غير معروف
ملحن الاغنية : غير معروف
غناء : صلاح البحر
العربية
