السنادي ضاعت الانفرادة وما جاليش عروض
يوم مع يوم تزيد ضغوط، مفيش هروب
باصص من بعيد من عواميد حديد
نزلت في الترتيب قلت لهم: ربنا يبارك ويزيد
بسمع اخبار انكوا بتتقدموا وبطفي الراوتر
حاليا شغال في حوار اهم من اني اوصل
محتاج افضل مركز كل اللي في دماغي فوضى
من صغري عندي وش وراسي بتشوشر
جوة الفصل كنت افضل سرحان في الكورة الأرضية
مدرسيني كرهوني عشان عندي شخصية
قضيتها تسلية في الحصص كلامهم جاش مقاس دماغي
طالب فاشل طول حياتي واخد بالي مش فارقالي
قلت له انت بتضيع وقتك
عايزني اعمل لك قيمة؟ وتسوقلي فيها؟
كدا كدا غروري مايسبنيش اقبل هزيمة
سيبك من كلام النت والردود ع الآراء
انا شايف نفسي احسن واحد هنا ع الاطلاق
من غير مبالغة وكلمات فارغة
ذكائي في حتة تانية خالص والمنافسة عارفة
يمكن دلوقتي انا مش في المكان اللي كنت بتمناه
وبصراحة دي كات غلطتي الى حد ما
مكروه من ناس فاكرة اني عيل سطحي متدلع
هبقى اشوف قصتهم ايه لما نتجمع
بس ع المدى الطويل هانيم الكل ع السرير
شهرة وحريم، معارف وهيبة وفلوس كتير
بطل تحوير، مين فارقله حد غير نفسه
بطل تحوير جو المشاعر قديم وفاقسه
دي الخلاصة
دي الخلاصة
x2
هابين نفسي ديبلوماسي واطلع مستفاد
لو اتسألت في البار اللي فات هاقول دا مجرد تراك
انت مش حاسس ان كلها شغالة في بعض قتل؟
طيب ماتجيش بعد سنة تعيطلي تقول لي غدر
ما بجيبش بنت القعدة لو ناس معينة قاعدة
بمعنى ان التعلب حتى لو صاحبك برضه تعلب
ولو تعلب عادي ممكن برضه افضل معاك ع الخط
في التعامل هاتشوفني بعمل زيك بالظبط
لو هاتتنك ممكن عادي اعيش دور الفنان
لو راجل هاقول معاك في اي موقف مهما كان
هقطع الحبل ومش هاجيلك فرصة حتى تبرر
الناحية التانية أعداءنا باصين ومركزين
بيتريقوا وبعد ساعة الناس بتنسى هُمّا مين
الهدف الاحتكار وإهانة الخصم
جوايا العزيمة بس نادر ما ركزت
قول لهم حان الأوان يا ولاد لدفع الضريبة
باقولها بعد ما جربت بكذا طريقة
حاولت بس والله يابني ماجت بالطيبة
خلاص دلوقتي قافشة معايا ودماغي دي مصيبة
انا راجل بدرس مهماتي كويس بالمسطرة
ومش هايفرق لي في حساباتي انك جبت ورا
كلام لاي طرف، دا مش كلام منظرة
مش باقول كدا عشان براب ونظام افورة
بس
ع المدى الطويل هانيم الكل ع السرير
شهرة وحريم، معارف وهيبة وفلوس كتير
بطل تحوير، مين فارقله حد غير نفسه
بطل تحوير جوّ المشاعر قديم وفاقسه
دي الخلاصة
اسم الاغنية : دي الخلاصة
كاتب الاغنية : مروان موسي
ملحن الاغنية : مروان موسي
غناء : مروان موسي
العربية
