ولا قادرة الدنيا الا علينا
ولا قادرة تبكِّي الا عنينا
وفين يا قلبي راحوا حبايبك فين
بتعدي أيام وليالي، مرتحناش من بعد الغالي
والراحة انا وانت يا قلبي هنجبها منين
عايشين على ذكرى جميلة
فاكرين ولا مرّة نسينا
هيعيشوا أعز ما لينا مهما تعدي سنين
الأيام بتعدي بطيئة، والنسيان له ألف طريقة
حاولنا ننسى يا قلبي ومعرفناش
الأحلام بتصبّر فينا والأيام مش صابرة علينا
زمان كان في اللي يهوِّن، وراح ومجاش
عايشين على ذكرى جميلة
فاكرين ولا مرّة نسينا
هيعيشوا أعز ما لينا مهما تعدي سنين
اسم الاغنية : ذكرى جميلة
كاتب الاغنية : وائل توفيق
ملحن الاغنية : حسن علي
غناء : مروة نصر
العربية
