كلمات اغنية ذكريات احباب ماجد العازمي.
يقولون البحر ترما بوسطه ذكريات احباب
ويحفظـها البحــر حفظه للـولـوه ومرجانه
الا يابحر سلملي على اللي طيفها ماغــاب
امــــانــه دام بين العاشقين وبينك ميانـه
انا واقف وموجك كل ما ارسلته عليه جاب
علومن داخلي تسوا البحر والموج والدانه
مابين الذكريات اللي بعضها يحرق الاعصاب
تزيد الشوق ذكرا اللي عليها الروح ولهانه
تتل من المحاجر دمعة تنزل على الاهداب
وتتل القلب لين القلب دوب يضخ شريانه
الا ياملهمة معجب تسلطتي على الاعجاب
وصرتي كل شي يدور في فكره ووجدانه
ماحطتني مقادير الليالي بين ضرس وناب
ومن فرقاك ثبتني زماني بين لحيانه
تعالي واعتبي على كلامي كان جاك عتاب
نبي ننسى الزعل لو الخطا ياصعب نسيانه
بنقفل باب فرقانا ونفتح للمواصل باب
ونبي نمسك بعضنا لو يفك الضيق بيبانه
بعد غربتك عني صارت احلامي جناح غراب
وضحكي للزمان اغتاله التفكير واعوانه
بعد خانتني كبار الهقاوي لين ضني خاب
عرفت ان الهقاوي في المقفي مالها خانه
لو يشين الزمان ومن ضروفه خاطري ينصاب
ابا اكابر واصبر خافقي كله على شانه
مدامن القدر لوهو عقوبه ماعنه مجناب
اعلم عن جروحي عالمً تدري وش الاسباب
ولال الناس حيلة غير في صح الله لسانه
اسم الاغنية : ذكريات احباب
كاتب الاغنية : معجب جريس
ملحن الاغنية : ماجد العازمي
غناء : ماجد العازمي
العربية
