في الشاطي يا الحبان ساهرتو بينا
الليله يا الحبان ساهرتو بينا
عند النهر والنور
والساقيه بينا تدور
القمري يحكي الحور
وانا الفنان
الموج يداعبنا والحب يقربنا
الشاطي يفرحنا والحب معاهو كمان
يا حليل ربوع شندي
بلد الجمال عندي
الفيها انا فني والمتمه امان
نذكر وطنا دوام
وحده وعمل وسلام
سيبو الخلاف يا عظام
دايرين يكون لينا شأن
فيه الادب زاهر
لي نيلنا بنفاخر
وبي وطنا السودان
في الشاطي يا الحبان
ساهرتو بينا
اسم الاغنية : ربوع شندي
كاتب الاغنية : غير معروف
ملحن الاغنية : غير معروف
غناء : عبد المنعم الخالدي
العربية
