كلمات اغنية ربيع قلبي ماجد خضير.
قالو .. لي ديرنا سقتها الهماليل
لها شهر غر المزون تغسلها
ولافيه وادي ماجرح بطنه السيل
والخير مابه ديرة الا شملها
وانا بدويً كل ماهود الليل
بعض طواري خاطري مااحتملها
نمسي نسامر برق سود المخاييل
ونصبح لشوف البر شفقى ولها
واليوم سوو خير بي يالمشاكيل
العسكريه بذ حيلي عملها
ولاتكثرون من العلوم وجدلها
ولاتراي ابوصل العلم لسهيل
وان قاله المعبود لااخذ دبلها
وش عاد نجلس له بليا محاصيل
العاصمه محدن يقاوم مللها
زحمة خريص اشوفها من الغرابيل
اللي تقرب كل نفسً لااجلها
ربيع قلبي .. شوف هاك الغراميل
وشوف الجبال الشاهقات وسهلها
ومبداي عيطاً لنداوي مداهيل
لوهازها سبع الخلا ماوصلها
وممشايً في روض لطيره مواويل
في ديرة ماقبلنا احدن نزلها
مجمله من والي العرش تجميل
ومن نبتها يشفيك عطة نفلها
وخوة نشاماً فالمواقف حلاحيل
واحدهم اليا قال كلمه فعلها
مزوحهم من بيننا والتعاليل
تبعد عن النفس العليله عللها
وعني تبدل ضيقة الصدر تبديل
واسج عن ضيم الحياه وزعلها
واصد عن نقالة القال والقيل
وعن ناسً ابليس العور مرتحلها
وشفي .. ليامنه فتر بارد الحيل
هوايةً ماني مدور بدلها
ممشاً مع اللي يبعدن المناويل
وضحً عريبة ساس ماحدن جهلها
الزين هوله والوصايف تهاويل
والطبع خصله كافيه عن خصلها
لاوده الموده وجاتك زعاجيل
لوقدمها سنجار راحت قبلها
طش البرد من نو مزنً محاميل
لاارخت على العرق المراوس هللها
معها ارخمً تضيع فيه الاقاويل
هرش ليا طب الرعيه عدلها
على عياله تنزل البدو وتشيل
وبالذكر كم فرديةً كد نطلها
مسبلً ضرابه للاجواد تسبيل
ولاهي جديده تونا نمتثلها
طبعً لقومً توفي الكيل بالكيل
هم عزها هم سترها وهم اهلها
قدام يدخل فالبداوه دواخيل
ويطمع على حقوق القبايل ثعلها
هذا هوى روحً تجافت من الميل
ولاتنعذل لو كل عاذل عذلها
احيان تقبل مثل ماتقبل الخيل
ويصدها عن ماتريده خجلها
عسى هناها فالليال المقابيل
في جاه من عز النفوس وكفلها
اسم الاغنية : ربيع قلبي
كاتب الاغنية : نياف الشيباني
ملحن الاغنية : ماجد خضير
غناء : ماجد خضير
العربية
