رسمياً اليوم تبدا قصة أشواقي
الحب وياه صار اليوم رسمياً
ماشفت مثله جمال وطيب و راقي
وغيره في عيني اشوفه حيل عادياً
يفداه قلبي وعيني و عمري الباقي
ولاصرت وياه مابي الناس كلياً
اجمل علاقه معه مكتوبه في اوراقي
والا البقيه علاقه بس ودياً
مو بس احبه احسه ساكن اعماقي
القلب ينبض بأسمه والله يومياً
الموت اهون علي من ينوي افراقي
انا معاه ارتبطنا حتى روحياً
الناس واجد ولكن مثله ما ألاقي
مافيه مخلوق يشبه خلي مولياً
ربي رزقني غرامه و حبه الراقي
مبسوط دايم معه و مرتاح نفسياً
سيطر علي وعلى كلي وعلى اشواقي
واصبح حبيبي خلاص اليوم رسمياً
اسم الاغنية : رسميا
كاتب الاغنية : غير معروف
ملحن الاغنية : غير معروف
غناء : محمد الشحي
العربية
