كلمات اغنية رغم الظروف بدر بنيدر.
عز الله ان الضيق واصل مواصيل
والهم اشوفه حطني في عيونه
عيونه الي من كبار الفناجيل
جارت على قلبي وهزت ركونه
ماهي عيون ام الرموش المضاليل
الي جعلها الله علي حنونه
ياحضكم بقلوبكم يامهابيل
الظاهر ان الهم ماتعرفونه
مايعرفونه غير الرياجيل
لو انهم والله مايستاهلونه
لاكن يكفا روسهم تالي الليل
يدرورن النوم ماياجددونه
احدن يحسب لليال المقابيل
واحدن يحسب وش بقى من ديونه
من قسوة الدنيا يحسون بالميل
الصدر للسرار والمتن للشيل
والي يبونه مايطيحون دونه
ان بانت الشده ع بارد العين
زادتهم الشده ثبات وخشونه
على اللوازم كن يجرفهم السيل
سلمن من الجدان مايتركونه
مربحينن تاجر البن والهيل
حافظ طلبهم من كثر مايجونه
يذكرهم التاريخ جيلن بعد جيل
الي بدم قلوبهم يكتبونه
رغم الضروف القاسيه والغرابيل
واجب ع المطعون يجحد اطعونه
راس الطموح يعانق الجدي وسهيل
واللاش راسه ماتعدا متونه
اسم الاغنية : رغم الظروف
كاتب الاغنية : وصل العطياني
ملحن الاغنية : بدر بنيدر
غناء : بدر بنيدر
العربية
