محبش الإرهاب .. وبقولها من ضميري
وزعلنا جدا جدا .. لما اتقتل الحريري
ده شغل ناس كبيره .. ولازم نعترف
عايزنا نبقى في حيره .. وتملي نختلف
كان الحريري كويس .. وكان للشعب رفيق
لو تسأل اي ريس .. هيقول نعم الصديق
الشعب العربي اتنكد .. والحزن بان في العين
ولازم كلنا نتأكد .. الضربه جايه منين
غنيت يجي ست اغاني .. واللحن ماغيرتوش
قولتلكم مين الغالي .. وانتي اللي ماصدقتوش
ولسه هنشوف ياما .. طول مااحنا مش هنا
بنقلد النعامه .. ونخبي وجهنا
ايه اللي عمله الحريري .. غير انه كان انسان
بيقول الحق دايما .. ومكنش عمره جبان
لبنان بتحب سوريا .. والناس اخوات بجد
وفي مقتل الحريري .. الاتنين ملهومش يد
الحرب كانت مدروسه .. لكن مابنتعلمش
اتكبر وعملها السوسه .. عشان مانتقدمش
يا ريت نخاي بالنا .. وعيون مانغمضهاش
عشان خاطر الحريري .. ما يروحش دمه بلاش
اسم الاغنية : رفيق الحريري (الارهاب)
كاتب الاغنية : غير معروف
ملحن الاغنية : شعبان عبد الرحيم
غناء : شعبان عبد الرحيم
العربية
