كلمات اغنية رمش عينه محرم فؤاد مكتوبة.

رمش عينه اللي جارحني رمش عينه
رمش عينه اللي دابحني رمش عينه
مين ياناس يحكم مابين قلبي وبينه
رمش عينه اللي جارحني رمش عينه

ليلة من ذات الليالي .. كنت خالي وقلبي خالي
والسهر ماعرفش عيني .. والغرام ماجاش في بالي
فات عليا الحلو الاسمر .. رمشه قالي حب واسهر
مين ياناس يحكم مابين قلبي وبينه
رمش عينه اللي جارحني رمش عينه

شفه وردي وسنه لولي .. من بعيد اتبسموا لي
صوروا لي الحب جنه .. واعمل ايه ياناس قولوا لي
غصب عني مش بخاطري .. للجميل سلمت امري
 

رمش عينه اللي جارحني رمش عينه

العيون السود خدوني .. في المحبة عشموني
وفي بحور الشوق ياعيني .. غرقوني ودوبوني
هيه دي كل الحكايه .. من البدايه للنهايه
مين ياناس يحكم مابين قلبي وبينه
رمش عينه اللي جارحني رمش عينه

 

اسم الاغنية : رمش عينه

كاتب الاغنية : مرسي جميل عزيز

ملحن الاغنية : محمد الموجي

غناء : محرم فؤاد