ناس شقيانة وراضية ومرتاحة
وفيه ناس مش قادرة تحس براحة
ناس صافية ومن جواها سلكانة
مش حابة تشوف الناس زعلانة
ناس كان نفسها تنجح في حياتها
قطر الاحلام اهو عدا وفاتها
ناس سافرت بعدت عن اهاليها
في الغربة الدنيا بتفرم فيها
ناس كان نفسها ترجع لولادها
زاد فينا الهم ومين مهتم ما حد يقولي
انا مستعجب على حالنا بقينا في حزن تملي
من كتر الغم وحرق الدم بجد شبعنا
مش عارف ليه الدنيا بتتسلى بأوجاعنا
ناس حبت بس الحب كسرها
وفيه ناس في حياتها الحب ما زارها
ناس عايشة حياة كت غصبن عنها
ناس مش لاقية الناس اللي في بالها
وفيها ناس محتاجة لناس حواليها
ناس من غلبها بيبان في عنيها
ناس فارقت ناس كانوا اغلى ما ليها
ناس عمر الدنيا ما هتنسيها
ناس تايهة وماشية بتشكي لحالها
ناس رافضة الدنيا ورافضة جمالها
زاد فينا الهم ومين مهتم ما حد يقولي
انا مستعجب على حالنا بقينا في حزن تملي
من كتر الغم وحرق الدم بجد شبعنا
مش عارف ليه الدنيا بتتسلى بأوجاعنا
اسم الاغنية : زاد فينا الهم
كاتب الاغنية : ايمن ابراهيم
ملحن الاغنية : ايمن ابراهيم
غناء : ايمن إبراهيم
العربية
