وبعاتبك وتشهدي قلبي عليا و قلبي تملي بيجي في صفك
و أبقى الغلطان في الآخر و أفضل أقول معلش و أصالحك
و ياريته بيعجب أو ليا بيتشال
تعباني و لا عمري في يوم بينت وجع آخرتها معاكي أديني
بتحاسب علشان كنت جدع و حنين ع اللي ناسيني
قصرتي في حقي أقل كلام يتقال
زعلان من أول مشكلة ماهي بتبان
شكلي أنا هفضل على طول تعبان
مش عارف أرتاح ولا يهدالي بال
زعلان من أول مشكلة ماهي بتبان
شكلي أنا هفضل على طول تعبان
مش عارف أرتاح ولا يهدالي بال
ودي عادتك لو تحصل بينا مشاكل عمرك يوم ما تغلطي نفسك
وتطلعي أي مبرر تلغي أوام بيه فكرة أسفك
وفي ثانيه بقدرة قادر أكون غلطان
مش فاهم هو اللي يعدي لحد بيتعب كده أكتر من اللازم
كان نفسي زعلنا و أي خلاف ما يجلناش غير في مواسم
مش كل يومين تزعلي و تغيبي كمان
زعلان من أول مشكلة ماهي بتبان
شكلي أنا هفضل على طول تعبان
مش عارف أرتاح ولا يهدالي بال
زعلان من أول مشكلة ماهي بتبان
شكلي أنا هفضل على طول تعبان
مش عارف أرتاح ولا يهدالي بال
اسم الاغنية : زعلان
كاتب الاغنية : ايمن عز
ملحن الاغنية : محمود انور
غناء : كريم محسن
العربية
