كلمات اغنية ساحة الشهداء بديع ابو شقرا.
ساحة الشهدا، سموها ساحة الحرية
وما بعمري دقت فيها طعمة الحرية
شفتك بين الحشود، عم بتنادي، وكان عبالي
قرب منك وقول، إنت الحرية
مشي معي نصرخ عالعالي، كأنو حياتنا بخطر
لكان وعي من النوم، صنم الحرية
مشي معي نهد الحيطان، لما يبقى فيها حجر
لكان طلع الضو، عساحة الحرية
ساحة الشهدا، قفلوها بشرايط حديد
وصارت من وقتا إلها طعمة حلم جديد
جسمك، بين الحشود، كان عم يعلا، كان عم يبعد
كأنو عندك جوانح، وعم بتطيري فوق المشهد
لكان وعي من النوم، صنم الحرية
مشي معي نهد الحيطان، لما يبقى فيها حجر
لكان طلع الضو، عساحة الحرية
عيشي معي، قصة غرام، كأنو الحب انتصر
بركي النبض بعود، لصنم الحرية
مشي معي، نرجع إيمان، كل يلي قلبو انعصر
ل صار حلمو مفقود، بساحة الحرية
اسم الاغنية : ساحة الشهداء
كاتب الاغنية : انطوني خوري
ملحن الاغنية : انطوني خوري
غناء : بديع ابو شقرا
العربية
