اسم الاغنية : سطوة محاسنك
كاتب الاغنية : غير معروف
ملحن الاغنية : غير معروف
غناء : مصطفى سيد احمد
كان نفسى أقولك من زمان
مدسوس سنين
بى الشايلو فى عيني معزّة
وفى القلب
زاملنى زى خاطر الفرح
وكتين يقاسم الهم .. عزا
وكتين مدامعى تكون جِزا
وتفتح مباهج الليل .. ظنون
كان نفسى أقولِّك من زمان
سطوة محاسنك عندى ما كسرة ..جفون
وكت العيون تعبرنى زى خاطر المسا
سطوة محاسنك ما الرخام .. الفى الحري وكت الثغير يفجعنى
بى حرفاً .. قِسا
سطوة محاسنك عندى وكتين كبريائك ينهزم ..
لى طيبتى .. بى لفظة حنان
وكتين شوقى يصبح فى هواك
ليل عزّة
ما بتعرف هوان
كان نفسى أقولك من زمان
عينيك وحاتك غربتى .. وأهلى
وبلادى الفيها ضايع لى زمن
عينيك وحاتك شوقى لى زولاً ولوف
من بعدو ساب عينى .. سهن
وانا كنت داير من زمان
أشرح حكايتى معاك ألف
أحكيك .. وأزيد القول .. إلِفْ
وأتمنى لو قلبك عرف
كان من زمان
من قبل ما فى قلبى يتحكّر
زمان الغربة فى جرح الأسى
من قبل ما حرف الحقيقة الحلوة
.. يتبدل عسى
ويصبح أمانى كسيرة
العربية
