سلاما ع العراق الكثرن جروحه
غيره براسه التنكط ملوحه
وحك كل شاب طاح بساحة التحرير
منعوفك نضل وياك للوحه
الكراسي اتكسرن من ريت ذل وجوع
تضل عالي حبيبي و راسك المرفوع
وحك كل البجى من امهات البيت
منعوفك نضل وياك للوحه
سلاما عل عراق الكثرن جروحه
غيره براسه التنكط ملوحه
سلامن علعراق اجنوبه وشماله
احنا رباع دجلة كلنا خياله
مانقبل بعد حاكم يجي بالضيم
نختار اليحبنا واليحس بينا
كافي من الظلم والله تأذينا
وحك كل اب يسلم ابنه للتابوت
منعوفك نضل وياك للوحه
سلاما على العراق الكثرن جروحه
غيره براسه التنكط ملوحه
مايكدر علينا ننزل الدمعه
خل يلزم الباب ويطلع بسرعة
مانسكت بعد كدام اي فرعون
بعد منصير للظلام مرجوحه
تعبنا وفاض صبرك يا عراق الزود
وحك ماي الفرات انصير كلنا جنود
وحك اطفالنا الشافوا مرار الكون
منعوفك نضل وياك للوحه
سلاما عالعراق الكثرن جروحه
غيره براسه التنكط ملوحه
اسم الاغنية : سلاما على العراق
كاتب الاغنية : يوسف السوداني
ملحن الاغنية : سيف عامر
غناء : اسراء الاصيل
العربية
