بشرني يا موطني كالولي ما مرتاح
وكالولي طاح الولد بس العلم ما طاح
وكالولي بختك زعل وفجر القهر صبحة
وكالولي مات الفرح بس الزعل صالحة
وكالولي مات الوطن وقريت يا موطني
يا موطني ما قلت انا الفاتحة
كافي سكوت عادي نموت احنا اربات الحرية
للتحرير للتغيير صحنا وگلنا سلمية
لا منخاف من العاف طلعتنا مليونية
عدنا ارجال چنها اجبال ومتهزها الدخانية
اغلى من امي وابوية عندي گاعي
وبغربتي العلم خليتة متاعي
لجل هاي الدار ماتهمني النار
وروحي فدوة اذبها لولادي واخوتي
غالي بس الهم نعم رخصتة موتي
عادي دمعي يطيح روحي تبقى تصيح
واعلى من الغيم لا ماينصى صوتي
وعشت بزود ماموجود الا بكاعك يعراقي
لا منهاب من طلقات شديتة بغيرة انطاقي
من سنين مقهورين متعذبيت بموطنا
عشنا بحال ماينگال محد بيهم يرحمنة
يمتة ارتاح كافي اجراح محد فكر باحوالي
عادي نصيح من انطيح ياوسفة يطيح الغالي
اني متظاهر نعم لجل القضية
وغير اسم بلادي ماعندي هوية
يمة ادعي بخير واني بالتحرير
يمة شالتني لجل گاعي الحمية
شاب بس الوطن ما ارفض نداءة
من اليعاديني اعلنت البراءة
عيب اني انهز وگلبي وسفة انعز
اي هويتي الوطن ماغير الهوية
وعشت بزود ما موجود الا بكاعك يعراقي
لا منهاب من طلقات شديتة بغيرة انطاقي
اسم الاغنية : سلمية
كاتب الاغنية : محمد الجبوري
ملحن الاغنية : غير معروف
غناء : سيف نبيل
العربية
