سَمح الوصوفو يا رب نشوفو حَرَمو وسُرُوفو ..نَعقِبْ نطوفو
الراوي سَمّ ونقّر دفوفو مَدحاً مُوزّن ..فوق الحُروفو
بالألف.. الله ربي اللطوفو بالباء .. بهلّو الأسرار في جوفو
بالخاء ...........لخلقو ينظر يشوفو بالدال .. دَواياَ للصايبو جوفو
بالذال ..لى ذكراً شاع في الخيوفو بالراء .. رءوفاً للناس عَطوفو
بالزين ....... لى زياً يوي العَكوفو بالسين .. يساعد للكان لهوفو
بالشين.. شفاعتو يوم الوقوفو بالصاد .. صحابتو شايلين سيوفو
بالضاد .. يضوّي بين الألوفو بالطاء .. مُطهّر قلبو الرؤفو
بالظاء.. يظِلّو الغيم رفوفو بالعين ..علامتو فوق الكتوفو بالغين .. غَفَرْلو وأمّن لى خوفو بالفاء .. فصيحاَ للسر كَشوفو
بالقاف ....... قفّل باب الخسوفو بالكاف .. لى كفاَ ينبع سُرُوفو
باللام ..... لِماهو يا رب نشوفو بالميم .. معاهو يوم الوقوفو
بالنون .. نروّح لى ذاك غوفو بالهاء .. نهاجر ونسعى ونطوفو
بالواو ...ولامِن آخر الحروفو بالياء.. يمينو يكرم ضيوفو
يا ربّي سَآلك تقبل لى مطلب تعطيني جملاً كَبِبي أصهب
مُو الدون قِصيّر وماهو المشقلب أصهب بشاري طايع مأدب
والفروة مِرعِزْ اتنيها واركب فوقو إن رفعت من حينو جَلّب
قُلتْ يا سلاماً أقبل وقبقب تسمع مشيهو رجليهو طَبْ طَبْ
ينسف دوايرو بينات يلعب ليهو المسافة تِنْصّرْوتقرب
الماحي فوقو بىمدحو يطرب بى زمزميتو والزاد محقّب
إن ردت تاكل وإن ردت تشرب هوِّى ومُناي في ام سور وكوكب
القبة خضراء ونساما هبهب نوصل نزورو وفي شفاعتو نُكتب
اسم الاغنية : سمح الوصوفو
كاتب الاغنية : غير معروف
ملحن الاغنية : زياد بطرس
غناء : خالد محجوب الصحافه
العربية
