يلي شراتك ، كيف ينعاف
محدٍ يعوف الشوف بالعين
انته عيوني ، و انت مولاف
شخصك تمركز فالشرايين
وان كان عرق القلب ينشاف
كانو المحوك الناس ذلحين
دقات قلبي صارت اخفاف
عن لا اتضايق، قلبي ارزين
عرقٍ ف قلبي، حيل دفّاف
ضخ المحبه بينك و بين
روحك و روحي حد الاسراف
لين استون في الجسم روحين
اكيد ، جسمي يصير رفّاف
ساعة لمحتك، طاغي الزين
طرفك ذبوحي مول مَ راف
طرفك ذبوحي مول مَ راف
خدك يشابه، لمعة لجين
ليلٍ ف شعرك عَم لطراف
و ثغرك عليه الشهد بـ يبين
خصرٍ تقيسه بشبر و انصاف
شكله يشابه، عكس قوسين
فيك المزايا، عَد و ارضاف
امن المحال، آخط بيتين
من زود حبّك، سرت طوّاف
وسط الحرم بين المصلين
ادعي و دمعي هلّ عفّاف
الله يعجّل شوفك الحين
اسم الاغنية : شبر وانصاف
كاتب الاغنية : سعيد الكتبي
ملحن الاغنية : محمد الشحي
غناء : محمد الشحي