اسم الاغنية : شجن
كاتب الاغنية : غير معروف
ملحن الاغنية : غير معروف
غناء : نانسى عجاج
لى متين يلازمك في ... هواك مر الشجن
ويطول بايامك سهر ... ويطول عذاب
يا قلبى لوكانت ... محبته .. الثمن
يكفيك هدرت عمر ... حرقت عليه شباب
لكن هواه أكبر ... وما كان ليه ثمن
والحسرة ما بتنفع ... وما بجدى العتاب
أحسن .. تخليه ... لى الليالى والزمن
يمكن يحس ضميره ... ويهديه لى الصواب
لكنى اخشى عليه ... من غدر الليالى
وأخشى الامانى تشيب ... وعشّنا يبقى خالى
وهو لسع في نضارة ...سنه فى عمر الدوالى
ما حصل فارق عيونى ... لحظة او بارح خيالى
اغفر له يا حنيِّن ... وجاوز لو ظلم
ما اصلها الأيام مظالم والعمر غمضة ثواني
واصبر على جرحك ... وإن طال الألم
انا عارفه بكره بيعود ... فى رعشة ندم
ننسى الحصل بيناتنا ... والسهر اللى كان
تصبح حياتنا نغم ... وعشنا يبتسم
وتعود مراكب ريدنا ... لى بر الأمان
العربية
