عقبال بيك نفرح يا زينة
نشرب شرباتك يا زينة
نوقد شمعاتك يا زينة
يتلموا هناك كل الصبيان
في الساحة يغنوا غناوينا
و الفرحة تطوف كل الحارة
و يزهر إحساس مكتوم فينا
و الليل يتحول أٌغروده
زغرودة تشيلنا تودينا
لساحة دار بيضا نايرة
معروشة بزهر الياسمينة
متين يا فرحة تلمينا
و الغيمة ترش كل وادينا
و نخيلنا يشيل فال البشرى
و تميل سعفاته تغطينا
يخضر جمال في عينينا
و عيون النجمة النعسانة
تشرب من ريدنا و تسقينا
تتذكري كيف عند الجدول
جلستنا الكانت يا زينة
ألوان الزهرات تفرحنا
و أنغام الساقية تبكينا
طفلين كنا لا شايلين هم
لا عارفين بكرة الجايينا
و أهلنا عيونهم تتمنى
تتمنى الهم ما يلاقينا
اسم الاغنية : شربات الفرح
كاتب الاغنية : غير معروف
ملحن الاغنية : غير معروف
غناء : عبد الكريم الكابلي
العربية
