اسم الاغنية : شريرو
كاتب الاغنية : خليفة عثمان خليفة
ملحن الاغنية : هيثم قنتي
غناء : هيثم قنتي
وااا شريرو
قلبي ضاق المره
منك وااا شريرو
مابعاود تاني
للمحق عميرو
ريد دفنتو براكا
واتقرر مصييرو
بي فرح غنيت
وانت علي قبيرو
جايي تشرب منو
وانت ردمت بيرو
ريق جداولو الجفه
كيفن يروي غيرو
يوم نسفت عشيشو
كر زازيتو طيرو
من خشيم النسمه
شلت اتر عبيرو
كسرك الفوق جرحه
فيهو احتار بصيرو
الزمن داواهو
كتر الف خيرو
البحضن الاهه
تفقس في صديرو
وفي القليب منقاره
يوقد لي سعيرو
بقي دوام اسيرو
مابلاقي الفرحه
في الدرب البسيرو
البقدر ريدي
جوه العين أشيلو
البملخ قلبي
تاني ولا بشيلو
البسيل فوق كتفي
الا يشيلو حيلو
والبدوبل روحي
بكتفي بي قليلو
سيد معزه نخلنا
شامخ فوق عديلو
مابلاوي الريح
وعادي بينحنيلو
العشاري الشقه
عاتي الموج في نيلو
ابن ادم مسكو
شمعوا في فتيلو
دنيا لاتغريكا
بي مال وللا غيرو
خالي من الراحه
الا الفي شبيرو
الوسادتو الواطه
والناعم حريرو
المنام بيجيهو
بي راحة ضميرو
العربية
