البالطو الأبيض واقف بطوله.. جِميل ومين هيردهوله
ده اللي انهاردة تعظّموله تعظيم سلام هنا للأطبا
مليون تحية لممرضينا .. ياللي بقلوبكوا مسندينا
مهما عملنا ما يسد ديننا
واقفين أسود والحالة صعبة
والكل خايف يتعدي .. دوركوا انهاردة بيبتدي
يا إنسانية إتسندي ع العلم والرحمة
ده شكر واجب مش كلام .. بس إنهاردة جيه الأوان
نقدر العلم اللي ضاع حقه في الزحمة
والكل قاعد في قلب بيته .. إنتوا اللي من كل حتة جيتوا
قايمين بدوركوا ولا اشتكيتوا والكل نايم وعيونكوا تصحى
وشوش بشوشة وناس خدومة ..مصحيينكوا من أحلى نومة
لحد ما تقوم لينا قومة .. نردهالكوا في كل فرحة
والكل خايف يتعدي .. دوركوا انهاردة بيبتدي
يا إنسانية إتسندي ع العلم والرحمة
نقدر العلم اللي ضاع حقه في الزحمة
العلم حق والجهل باطل
والحرب دايرة وانت اللي فاضل
دكتور لكن بدرجة مقاتل
مش همك انت لأ همك إحنا
ياللي انت همك تداوي دائي
وفي المواجهة انت اللي باقي
في جيشنا الأبيض تمريض فدائي
إيد إحنا ليك مديونين بروحنا
والكل خايف يتعدي .. دوركوا انهاردة بيبتدي
يا إنسانية إتسندي ع العلم والرحمة
ده شكر واجب مش كلام .. بس إنهاردة جيه الأوان
نقدر العلم اللي ضاع حقه في الزحمة
اسم الاغنية : شكر واجب
كاتب الاغنية : نور عبدالله
ملحن الاغنية : سامح كريم
غناء : احمد حليم
العربية
