كلمات اغنية شمس عمري راشد الماجد.
يابوي ياشمس عمري وانسي وراحي
الشمس تشرق ولو كل ٍ يعذربها
لو يظلم الوقت فيك الفجر واصباحي
ياكل عمري ويا مشرق ومغربها
ياتاج راسي ويا دنياي وافراحي
لك مهرة صعب جور الوقت يغلبها
ياصاحب الجود عندك راضت اجماحي
وبنت الاصيله تريض بشوف صاحبها
اشوف فيك الطموح وعزي واسلاحي
ولي عزة ٍ فوق نجم سهيل تكتبها
اشر على النجم الابعد مول ماواحي
وانا اصايل على العاليا مراتبها
وساعات وصلك تغني لعقربها
في بعدك الوقت يعزف لي اجراحي
في بعدك الوقت روحي كم عذبها
اسم الاغنية : شمس عمري
كاتب الاغنية : اصايل
ملحن الاغنية : احمد الهرمي
غناء : راشد الماجد