انا بعتذرلك عن سكوتي، وقت ما تحبي الكلام
وان عندي شيروفوبيا ونقص حاد في الاهتمام
واني دخلتك معادلة ليها اكتر من نهاية
واني محتاجك بعيدة، بس محتاجلك معايا
انا بعتذرلك عن كلامي، وقت ما تحبي السكات
واني كافر بالسعادة، واني مؤمن بالعياط
واني بطلت السجاير يوم يومين ورجعت تاني
واني عايزك تبقي ليا، بس مش عايزك تعاني
انا بعتذرلك عن وجودي، وبعتذر ع الغياب
واني مايل لانعزالي، ومادة خام للاكتئاب
واني زودت ارتباطك بألف حاجة هتسبيها
واني قللت انبساطك بالحياة بوجودي فيها
انا بعتذرلك عن كلامي، عن سكوتي
عن وجودي، عن غيابي
اسم الاغنية : شيزوفرينيا
كاتب الاغنية : احمد الراوي
ملحن الاغنية : هاني الدقاق
غناء : مسار اجباري
العربية
