الصاحب اللي في شدتك وفي ازمتك يخلع
علم عليه بالادب واوعى العلام يطلع
اديله درس مفيد يمكن في يوم ينفع
يمكن يحس في يوم لما العلام يوجع
اللي يبيعك بالجنيه بيعه ببلاش واعطف عليه
خليه يحس انه رخيص وان باس ايديك اردم عليه
اللي يبيعك بيعه ببلاش واللي يخونا مايلزمناش
صاحبك بجد عمره مايبيعك لحد
صاحبك بجد حتى في غيابك يسد
صاحبك بجد يكون في وقت المحنه ضلك
عمره مايتكبر عليك او يوم يضلك
صاحبك بجد يقدرك يراعي غبتك
يحس بيك من غير كلام ع الخير يدلك
صاحبك صاحبك صاحبك صاحبك بجد عمره مايبيعك لحد
عتاب الندل ماتعاتبوش عتاب الندل تتجاهله
ولو هتموت مترجعلوش وسيبه يحس على مهله
واللي مايعرف قمتك ماتعملوش حساب
واللي شايفك صغير مش مستاهل عتاب
اصحاب مناظر للاسف ومحسوببن اصحاب
بيقفوا جنبك في الصور وفي المحن اغراب
صاحبك بجد عمره مايبيعك لحد
صاحبك صاحبك صاحبك صاحبك بجد عمره ما يبيعك لحد
اسم الاغنية : صاحبك بجد
كاتب الاغنية : عصام حجاج
ملحن الاغنية : تامر حجاج
غناء : نجوان
العربية
