كلمات اغنية صباح الخير الشيخ امام مكتوبة.
كلمات اغنية صباح الخير الشيخ امام مكتوبة.
صباح الخير علي الورد اللي فتح في جناين مصر
صباح العندليب يشــــدي بألحان السبوع يا مصر
صــبـاح الداية واللفة ورش الملح في الزفة
صباح يطلع بأعلامنا من القلعة لباب النصر
سلامتك يامة يا مهرة
يـــــا حبالة يا ولادة يا سـت الكل يا طاهرة
سلامتك من آلام الحيض من الحرمان من القهرة
سلامة نهدك المرضع سلامة بطنك الخضرا
هناكي وفرحة الوالدة تضمي الولد يا والدة
يصونهم لك ويحميهم يكترهم يخليهم
يجمع شــملهم بيكي يتمم فرحتك بيهم
تعيشي ويفنوا حسادك ويسقوهم كاسات الذل
وبلغ يا ســـــــمير غطاس يا ضيف المعتقل سنوي
بصوتك دا اللي كله حماس صباح الخير على الثانوي
وأهلا بيكو في القلعه وباللي في الطريق جايين
ما دامت مصر ولادة
وفيها الطلق والعادة
حتفضل شمسها طالعة برغم القلعة والزنازين
اسم الاغنية : صباح الخير
كاتب الاغنية : احمد فؤاد نجم
ملحن الاغنية : الشيخ امام
غناء : الشيخ امام
العربية
