ليش أنت مبعد عن عيوني ومجفني
يانور عينٍ بشوفك كنت أحليها
حتى اتصالك وصوتك منقطع عني
وأعد الأيام لي بتعود لي فيها
إن كنت زعلان ياكل الغلا مني
مجبور أراضيك وعيونك أراضيها
وإن كان قصدك بها لفرقا تعذبني
ياكيف تتعب حياتي وأنت غاليها
ارجوك طمن شقى نفسي وطمني
اشغلت روحٍ غيابك عنها يشقيها
تعبت أحاتي واسال عنك لاكني
مالقى جواب لآجل نفسي أهديها
في دارك اللي إلهي بك مهنيها
وعساك دايم في قلبي تحسن الظني
ياشمس داري وبدرٍ في لياليها
اسم الاغنية : طمني عليك
كاتب الاغنية : حمد بن سهيل الكعبي
ملحن الاغنية : موسى محمد
غناء : خالد عبد الرحمن