قلبت بالدنيا على كل طاروق
ياكثر ما شافت عيوني عجايب
هذا جريح ٍ سال دمه بلا طقوق
ما يدري ليش وماعرف له سبايب
وفيها الوفا كفن مع الوقت بعقوق
وفرح به اللي حاقد ٍ ولا خايب
ظلمه تجاوز كل عابد ومخلوق
يظن رآيه فوق رآيك وصايب
وهذا زمان ٍ صار للظالم حقوق
يبني صروح المجد فوق الخرايب
خرايب ٍ في اطلالها قلب وعروق
وانفاس روح ٍ ماتعرف المعايب
والسيف ما يقطع بكف ٍ تهايب
وش حيلتك لا صرت حر ٍ ومفهوق
وش حيلتك لا روّحوا بالركايب
اسمع نصيحة صاحب ٍ هرجه صدوق
ماعاش منهو حاسب ٍ للنوايب
بالموت يصبح سيد النفس معتوق
والحي مملوك ٍ لصغر الرغايب
اسم الاغنية : عجايب
كاتب الاغنية : سارى
ملحن الاغنية : احمد الهرمي
غناء : على بن محمد
العربية
