عدّى النهار والمغربية جاية
تتخفى ورا ظهر الشجر
وعشان نتوه فى السكة شالت من ليالينا القمر
وبلدنا ع الترعة بتغسل شعرها
جانا نهار مقدرش يدفع مهرها
ياهل ترى الليل الحزين أبو النجوم الدبلانين
ابو الغناوي المجروحيين
يقدر ينسيها الصباح ابو شمس بترش الحنين
ابدا... بلدنا للنهار... بتحب موال النهار
لما يعدي فى الدروب
ويغني قدّام كل دار
والليل يلّف ورا السواقي زي ما يلف الزمان
وعلى النغم ...تحلم بلدنا بالسنابل والكيزان
تحلم ببكرة واللى ح يجيبه معاه
تصحى له من قبل الادان
تروح تقابله فى الغيطان
في المتاجر فى المصانع
فى المدارس و الساحات
طالعة صحبة صفوف جنود
طالعة له رجال اطفال بنات
كل الدروب واخدة بلدنا للنهار
واحنا بلدنا للنهار بتحب موال النهار
لما يعدي فى الدروب
ويغني قدام كل دار
اسم الاغنية : عدى النهار
كاتب الاغنية : عبدالرحمن الأبنودي
ملحن الاغنية : بليغ حمدي
غناء : عبد الحليم حافظ
العربية
