عزيز الروح ، يا اغلى من سكن فيني
تراك إنت الدوى لا شفتني مجروح
وإذا تـزعل ..تـطيح الدنيا من عـيني
ومن غـيابك جسد أبـقى بـليا روح
إخذني وإمتلك كل عمري وسنيني
معاك أبقى إذا تبقى ، ومعاك أروح
أحب حـبك ،، وكـلّك شي يعـنيني
وعليك القلب متسكّر ماهو مفتوح
كثير أشياء صارت بينك وبيني
وعلى وجهي يبيّن حبي لك بوضوح
أنا ، راضي بْقليلك يا مكفّيني
وعلى قِل الوصل يا عْزيّزي مسموح
تعال إترك غيابك ، وإحضن إيديني
حمام الشوق في قلبي عليك ينوح
إذا تبعد .. تطيح الدنيا من عـيني
وإذا تقرّب من عيوني .. ترد الروح
اسم الاغنية : عزيز الروح
كاتب الاغنية : احمد الصانع
ملحن الاغنية : راكان
غناء : عبدالله طارق
العربية
