كلمات اغنية عشير الغانمين ماجد العازمي.
هذي هي الدنيا على مر الليالي والسنين
لا عاد ترجي وصلها لا لوّحت بكفوفها
اقول زانت وان بغيت الصدق عيت لا تزين
مدري وراها حطت بْـبطن الردي معروفها
دابكت في ميدانها بالعزم والجنب المتين
لكن مانيب بقدها لا داحمت بكتوفها
مرحوم يامن قال لي خلك عشير الغانمين
المشكلة فالغانمين اللي ماعاد نشوفها
عز الله ان المال عذروب الرجال الطيبين
تزرع سنابل مرفعتها والهبوب تلوفها
الداله اليا من شكيت الحال قال الله يعين
انا اشهد ان مخباه ماعمره قضا مصروفها
والله ماعاد أرجي جميل الناس لو ارقد حزين
مليت من قلّة مواقفها وكثر حلوفها
واليا دعاني حلمي المرسوم من باب الحنين
رديت : ماعندي مجال وخلها بظروفها
ياحلم قدرني مدامك خابر ان عذري سمين
حاولت اطوف المعضلة لكن عجزت اطوفها
وش السواة بخاطرً مكسور من حظً لعين
ونفسً عجزت القى هدفها لجل اطمن خوفها
انا بعد عشرين عام من الشقا عندي يقين
لا عاد تطرد مزنةً شحّت عليك قنوفها
اسم الاغنية : عشير الغانمين
كاتب الاغنية : محمد السكران
ملحن الاغنية : ماجد العازمي
غناء : ماجد العازمي
العربية
