علمت عيني بغيابك ماتضوك نوم
خايف تشوفك حلم لو بلجذب مريت
ادري بيه من الصغر تعبان وما مرتاح
شنهو بيه ومن لكيتك لتعب حنيت
مو جنت ماخذ عهد ما عاد احب يوم
واسل بروحي جاني ورجعت حبيت
اصفك بجفوفي بندم صفناتي عل حيطان
ينزف ابهامي قهر وبكل قهر عضيت
يالجنت ورد بحياتي وبل كلب مزروع
اعتني بيك ورويتك شمه ما شميت
طشرت روحي على دربك وانتظر مشتاك
جلجل الليل بنهاري وبل اسف رديت
وارجع لبيتي غصب وجدامي تمشي بخوف
شحجي عنك لصور موتارسات البيت
اختنك لومر هوى ويحرك البيبان
يا عشك ما ينعشك رجفه بكلب مذبوح
انه اون من لوجع وانته بطرب غنيت
كل ضلام البيه منك عيشتني بليل
اشعل بروحي شمع وبروحي اتبديت
تفرح الناس وتعيد والضحيه نذور
واني ناذر عمر لك وبعمر لك ضحيت
مو طبع بيه احتمل بس احمل مجبور
خيف عيون شماته دكلي نخانيت
اسم الاغنية : علمت عيني
كاتب الاغنية : غير معروف
ملحن الاغنية : غير معروف
غناء : طاهر العجيلي
العربية
