عيل يتيم الأب والأحباب
ساكن صفايح صبر مالهاش باب
داير ف عز الشمس بالجلباب
علشان يجمع تمر يفطر بيه مع اخواته
راجل كبير في الجرح قبل السن
ساعة الأدان يدعي وساعات بيئن
يبكي بصوت مكتوم تحسه كأن
كان ليه ولاد عايشين لكن ماتوا
سمع أدان المغربيه فتاه
نزل الشوارع فضل يقول لله
في حد شافه وأدرك المأساه
طبطب عليه وقاله تعالى يا حاج
الوحده ضلمه بنت واقع فج
واللمه أزمه بس فيها حياه
فلتسمعوا مني يا أهل الخير
السفره دايمه والبشر نسيان
القلب ساقع ساقعة الكولدير
والغربة ساكنه موائد الرحمن
أفشوا الطعام في فم كل جعان
روحوا طبطبوا على قلب طفل تعيس
مات له اللي كان بيأكله ف بقه
مات له اللي كان بيعلق الفوانيس
اسم الاغنية : عيل يتيم
كاتب الاغنية : غير معروف
ملحن الاغنية : غير معروف
غناء : محمد عباس
العربية
