غرامك غير وحبك غير
وحسنك فن فوق الفن
وانا اللي في قفصك آسير
اصوغ الحان لك وآفن
تعال وياك خلنا انطير
لا إنس ابعيد وإلا جن
اسير لوين تبغي تسير
وناخذ مالبدر مسكن
خطير والا اظنّي يصير
عليّه الحرب دوم اتشن
وانا قلبي شرات الطير
بعّش افوادك امأمن
حبيبٍ غير في التفكير
كريمٍ وان عطى بلا مَن
تراها الخود منك اتغير
بأنه لك جمال ايثير
محال تجود به الازمن
عاروحي دوم لك تأثير
تشرِّع في الهوى وتسن
فلو تطلب حليب الطير
اجيبه لك وانا ممتن
اخذت العز والتقدير
فَخَلِّك دوم متـطمّن
حبيبي انت روحك غير
غديت السلو لي والمن
اسم الاغنية : غرامك غير
كاتب الاغنية : مانع بن سعيد العتيبه
ملحن الاغنية : حسين الجسمي
غناء : حسين الجسمي
العربية
