الدنيا هواي تعبتني
عشت بغابة مو دنية
اجيت الهة بكلب صافي
و رادتني بدغش نية
و حتى اللي حسبتة وياي
هم طاح و كسر فية
و حاير يا طرف بي صوج
كلها تصيح معلية
حظيت بناس ما تسوة
يجرحوني و كلت فدوة
و هية الدنيا مو حلوة
ما نصفتني بأي واحد
عشت بدنية ما ترحم
صفيت لكل جرح مرهم
و جرح الروح ما ينضم
و ما بيها احد يساند
مشت وياي بالمكلوب
كافي وياهة ما كافي
تعبت الصور بالشوف
و صار الدمع متعافي
بعد مالي خلك كلشي
و بعد ميحملن جتافي
غشيم و صدكت بالناس
اجيت الهة بكلب صافي
مشت وياي بالمعكوس
الخد من الدمع متروس
و ابجي بحركة الفاكد
الصادك بيهة ما ينحب
الدنيا تدور الجذب
الفعل الزين ضل ينذب
و تدور فعل حاقد
اسم الاغنية : غلطة
كاتب الاغنية : مرتضى ستار
ملحن الاغنية : غير معروف
غناء : سجاد الكعبي