اللي رواني من غلاه و رويته حتى على روحي و قلبي ابديه
لانه بوسط القلب بنيان بيته محال غيره باب قلبي يخطيه
قطعت له وعر الدروب ونصيته عاني وحل القلب في راحة ايديه
غر صفا لي بالهوى و اصطفيته يامر و ينهي و كل امره البيه
ما في البدو مخلوق مثله رايته و لا في المدن مثله بعد مر طاريه
لو شافه الجاهل نسى جاهليته و لا ظني العاقل بقى عقل يطريه
الجاذبيه كلها جاذبيته تحفة عسى ربي لقلبي يخليه
يسحرني بزينه و طيبه فديته و فديت موطى رجله اللي وطى فيه
اهداني الدنيا بكف و هديته روح تنادي به و قلب يناديه
اذا ظما من فيض روحي رويته واذا ظميت ادنى على القلب يرويه
يالله عساني في العمر لا خليته اعيش بين ايده امحقق امانيه
صرح الهوى وياه فوق اعتليته ايديه في ايدي نعلي مبانيه
الي رواني من غلاه و رويته حتى على روحي و قلبي ابديه
لانه بوسط القلب بنيان بيته محال غيره باب قلبي يخطيه
اسم الاغنية : فديته
كاتب الاغنية : مانع بن سعيد العتيبه
ملحن الاغنية : حسين الجسمي
غناء : حسين الجسمي
العربية
