نور عينك قاعد فى الظلمة بيولع شمعه ويدعيلك
يباركلك ربنا فى الكرسى ويديك على قد ما تدينا
هو اللى خربها وجيت انت بتصلح مصر وترفعها
ومفيش احمال زايده دا عامل خد رشوه وهو اللى قطعهاليك شنه ورنه وليك هيبه لايق على المنصب وكاريزما
حرية وعيش وقضاء شامخ اما البنزين فمفيش ازمة
والدنيا جميلة وكله تمام مفيش مسجون من غير تهمه
واللى يعرضوك قله اندست او ناس بتشوشر مش فاهمه
وان كان على الظلمة هنتعود وان كان على الجوع اهى مش فارقه
وان كان على الصلاة على النبى فاحنا بنصلى يا اخويا من غير ورقة
من امتى اتعودنا نعارض امرك على طول ماشى على الكل
وان كان على الوضع اهو يتحسن والناس مرتاحه وزى الفل
من حال الناس انا عقلى احتار الناس بتشوف الفول كافيار
لو تلقى حكومة بتضرب نار الناس بتقول قشطه استقرار
هشتكنا وباشتكنا وعادى وايادى تسلم لايادى
ايه يعنى ومالو مفيش مانع وفكل حالاتك انا راضى
داخلية تفض مظاهراتك والوضع جميل وديموقراطى
تاتا تاتا وجمب الحيط ماشى وهكمل عمرى وانا مطاطى
لا انا هنزل على التحرير تانى ولا ههتف واطلب اسقاطك
انا هقطع بايديا لسانى ولا عمرى هراجع قرارتك
على البركة وسوق بينا وكمل هيجيلى تناحه وهتحمل
لا انا هنزل وانتخبك تانى ويارب يكتر فتراتك
اسم الاغنية : فول كافيار
كاتب الاغنية : غير معروف
ملحن الاغنية : غير معروف
غناء : رامي عصام
العربية
