كلمات اغنية فيافي نجد ماجد خضير.
لعل مزنٍ من المنشا يرفاله
قد فات تالي نهاره مقبل ليله
لا حال دون الشفق مدرار هماله
كن المشاعل توقد في مقابيله
من ثقل حمله يحجب البث وارساله
ومن راعده ياقف الهاجع على حيله
رحمه من اللي يدير الطقس واحواله
قدام يدري به الراصد واقاويله
يجلا هواجيس عود ضايق باله
اللي فقد ربعه الغالين من جيله
عود مكارم يمينه قد كلت ماله
ماله على الوقت لا حول ولاحيله
ويخليه المستغيث ويجذب الداله
ويسج حواف ضوه عن معاميله
لا حول ستار ماه وهل وباله
يوم انحدر من علو الضلع شلاله
كنه يقص العوايق عن محاويله
يعم خيره فيافي نجد وجباله
ما ينقشع لين يروى من هماليله
والوادي اللي ينا السافي على جاله
واحد وعشرين ليله ما وقف سيله
وليا تفتق دقاق النبت وجلاله
واضفى علي الروض والعرق وغراميله
ما ينترب راعي المكشات فنجاله
وتقول بينه وبين الشمس تظليله
يشرح صدور على السجات مياله
والنوم يكفي منه فاليوم تعسيله
ويبل كبد بدوي ناشفٍ حاله
اللي لجل حالها يتعب مراسيله
معاد يقدر على تسديد جواله
من كثر ما ينحني للدين ويشيله
يبرالها بين توديهه وهوباله
وان شافها بركت ينسى غرابيله
اسم الاغنية : فيافي نجد
كاتب الاغنية : علي سالم
ملحن الاغنية : ماجد خضير
غناء : ماجد خضير
العربية
