كلمات اغنية قالوا علامك عبدالله الصريخ.
قالوا علامك
قالـوا علامـك بالتفاكيـر غرقـان
في ساعةٍ تحضر وساعـه تغيبـي
قلت إتركوا قلبٍ تولتـه الأحـزان
هذا من الله ياعـرب هـو نصيبـي
ماتوجسون اللـي بقلبـي وماجـان
ساكت على جرحي ولااحدٍ دري بي
مصبرٍ روحن علـى حـر نيـران
برجي أنـا الله عالـمٍ كـل غيبـي
اللي يطيـح بحـب زيـنٍ وفتـاّن
أقولها من قلبي ماهـو مـن لسـان
والدمع يـذرف سايـلٍ بالسريـري
عليك ياللي صافـيٍ كـل الأزمـان
واليوم بينـت الجفـا لـك تعذيبـي
عدت سنيـن ماخبرنـاك زعـلان
تقبل وتقفي كـل صبـح ومغيبـي
تجيني ولهـانٍ وأنـا مثـل ولهـان
و لاتستمتع حكي العرب لو حكي بي
يقول أنا ما أنساك لو كنـت تنسـان
أنا على مـر الزمـن لـك حبيبـي
وش غيرك ثاني وخـلاك تجفـان
وداعك لي عقب المحبـه حريبـي
ان كان من بين العرب جاك شيطان
إشرح لـي الغايـه وبيّـن طليبـي
أنـا وهـو ويـاك وكـل برهـان
والحق يظهـر لـو زمـانٍ بعيـدي
اسم الاغنية : قالوا علامك
كاتب الاغنية : محمد بن عبدالعزيز لعبيد الله
ملحن الاغنية : غير معروف
غناء : عبدالله الصريخ
العربية
