بقيتي في الطريق ابعد
من الحلم اللي انا حلمته
صحيح الشئ اذا خسرناه
بنفهم وقتها قيمته
بقيت خايف وانا لوحدي
و وجعي قصادي مد الشوف
كإني طفل في ايديكي
وسيبتيه تاه في وسط الخوف
بمر بعيني على الذكرى
كإني فوق ازاز حافي
و لسه كل ما اتصور
بشوفك ماسكه في كتافي
وهمشي لوحدي في الشارع
و احسك طيف على الڤتارين
فارقتيني وخاصمني الليل
والليل اللي انا دلوقتي بقيت عايشه لوحدي
غير الليل اللي زمان انا عيشته قصاد بابك
اللي اتعود يبكي في حضنك من الدنيا دي
دلوقتي بيبكي في حضن الدنيا على غيابك
بغمض عيني واتخيل
معاد هنعيشه تاني بعيد
ونبقى كبرنا انا و انتي
وتبقى الغمازات تجاعيد
يطول الليل وانا مشتاق
لحضن زمان وتنهيدك
وخايف لو يفوت عمري
ماموتش وراسي على ايدك
ولسه بروح لكل مكان
وبطلب قهوتين برضه
انا قلبي يعيش ازاي
وطيفك لسه بيطارده
بقيت مكسور ومش هنكر
يا عمري و ارضي و بلادي
ما فيه رجاله في الدنيا
بيكسرها الفراق عادي
اسم الاغنية : قصاد بابك
كاتب الاغنية : مصطفي ناصر
ملحن الاغنية : احمد كامل
غناء : احمد كامل
العربية
