قلبي همالو خديدك وجمالو
معذب في هواك مالو
بدر حسنك لاح والقليب مالو
لي هواك وشوق قلبي عمالو
يافريع ياسمين متكي في رمالو
قولي عاشقك وين ضاعت آمالو
شعره حاكا الليل وحاجبه هلالو
فر بسميو الغيم والبروق لألو
مافي مانع لو موتي حلالو
نهدو جوز تفاح صدره لو لالو
الشادن المحكول قلبي يصبالو
وأخشى من لحظو ومن رمي نبالو
كم جريح سهام عينه ضاربالو
وبيه لايدري ولا علي بالو
الجوهر الفردي الما إتلقي مثالو
حبه صبحني وحسنو مسالو
غير رشيم في خدودو دماعي ماسالو
خصره ناحل زاد جسمي إنحالو
طرفه ناعس نام وطرفي يصحالو
الفريع اللان دمعي سحالو
يانسيم أرجوك شوفو كيف حالو
في النجوم مرفوع مجده يبنالو
بين سماك أعزل حظي مانالو
وحرسه حولو يدور إستعدالو
اسم الاغنية : قلبي همالو
كاتب الاغنية : غير معروف
ملحن الاغنية : غير معروف
غناء : اسامه الشيخ
العربية
