كل الاحبة اتنين اتنين وانت يا قلبي حبيبك فين
يطلع عليَ البدر جميل يا بــدر مالـي انا ومـالـك
ماليش يا بدر نديم وخليل اوريه ويوريني جمالك
نورك يا بدر يزيد
وتبقى لـيـلــة عيد
ليلة ما تطلع على قلبين اتنين اتنين
وانت يا قلبي حبيبك فين
افوت على الورد الفتان ولونه يفرح كل حزين
يا ورد تهدى للخلان واهديك انـــا يا ورد لمين
يامفرح الاحباب
بـــلونك الجذاب
يا فرحة تطلع على الفين اتنين اتنين
وانت يا قلبي حبايبك فين
على البحورالناس في نعيم واسرح انا لوحدي واهيم
يســــري النسيم ساحر فتان يداعب الموج الشــــفاف
انظر واتحســــــر
من حسن دا المنظر
واقول ياريتا كنا اتنين اتنين
وانت يا قلبي حبيبك فين
يـا قلبي ده حظك خليك فريد وحدك
اصبرعلى كاسك واشرب على قدك
يجي الهنا في غمضة العين
والــمــر يـحـلى لي
في كاسين اتنين اتنين
وانت يا قلبي حبيبك فين
اسم الاغنية : كل الاحبه اتنين
كاتب الاغنية : بيرم التونسي
ملحن الاغنية : زكريا احمد
غناء : سيد مكاوي
العربية
