كل شمس و ليها ضل
كل أزمة و ليها حل
كل يوم فيه حد ثابت
مكانه مهما ضاقت
قصادُه حد مل
كل نهر فى قلبه سد
حد ندل و حد سد
كل ضلمة فيها سكة
كل نكتة فيها ضحكة
برضه فيها جزء جد
لو فيه طريقين
عادى نعيش بين الاثنين
مهما بنتكعبل ماشيي
جايز اوقات
نتعب و نفكر فى حاجات
مع انها من غير حسابات
هتعدى لو عيشناها
الحياة افراح و مر
حد وطى و حد حر
القريب عادى يبعد
و الايد اللى بتسند
كمان ممكن تضر
الحياة اصلا ميزان
كفتين عقل و جنان
كفة العقل اما تقلت
و بدأ العمر يفلت
للاسف فات الاوان
لو فيه طريقين
عادى نعيش بين الاثنين
مهما بنتكعبل ماشيين
لو حتى اخرها متاهة
جايز اوقات
نتعب و نفكر فى حاجات
مع انها من غير حسابات
هتعدى لو عيشناها
فيها حلم و فيها خوف
زى ما بتختار تشوف
لو فيه طريقين
عادى نعيش بين الاثنين
مهما بنتكعبل ماشيين
جايز اوقات
نتعب و نفكر فى حاجات
مع انها من غير حسابات
هتعدى لو عيشناها
معلومات الاغنية
كلمات: عادل العش
الحان و توزيع: سارى هانى
تم التسجيل باستوديو Key 66 Productions
كمانجة: محمد مدحت
ماستر: ستريكى ماسترينج
ادارة: انجى نظيف
ادارة اعمال نسمة محجوب : ماجد مكرم – مودرن تاتش انترتينمنت
شكر خاص:
شادى الحلوانى – كيبورد
زاكو – جيتار
عمر احمد – جيتار
محمد العشرى – باص جيتار
حسين المليجى – ايقاع
محمد شبل – ايقاع
اسلام التونى – كمانجة
سامح شعبان – درامز
اسم الاغنية : كل شمس وليها ظل
كاتب الاغنية : عادل العش
ملحن الاغنية : ساري هاني
غناء : نسمة محجوب