اسم الاغنية : كورونا
كاتب الاغنية : حليفة عثمان خلفة
ملحن الاغنية : هيثم قتني
غناء : هيثم قنتي
يارب ياكريم نجينا
من غضبا الهي كرونا
نحنا الحيلنا اخرو
معاهو
ياها المويه والصابونه
سبحانك علينا احنه
من اما رؤوم وحنونه
الدنيا العبوس الفاني
وين فرعونه وين قارونه
يالزلزت عرش الصين
وامريكا المتينه حصونه
بي جرثومه هان مقداره
ماقدرت تشوفه عيونه
زكرك عنو نحنا
اعرضنا
خمسه فروض
غلبنا نصونه
المصحف زمن هاجرنو
والناس شايله في تلفونه
لا حلقات ذكر في ايه
في علم الحديث ومتونه
ذي الوان تسلي كبارنا
والاطفال مع اسبستونه
دا الخلاهو عيشنا ضنك
من بره ويجينا معونه
سراي ليل مع الطابونه
بي رغم الاراضي الواسعه
بالنيل والسحاب معطونه
رحماك ياكريم رحماك
تفرح لي نفوس محزونه
الله لي بساط وغلابه
فوق حجر
الظروف مطحونه
دمها دابو قدر الجته
سعيها مامكفي بطونه
في حرا سمومو جحيم
صيفن في ضليل كرتونه
الله للبينتحوا حوجه
صابرين مابقولوا ادونا
الله يامحمد وعشه
اوهاج حفصه وابكرونا
تجار الضروره الحوجه
والاسعار مواصلي جنونه
وقوت الشعب شب عماره
تنطح في السحابه قرونه
بعض الناس شناة افعالا
تذكره تلزمك ليمونه
كم ست شاي وراها يتامي
زائغ بي حسابه زبونه
خلف الوعد اصبح عاده
عادي الزول امانتو يخونه
البيلف عليك ويدور
اتقن للشطاره فنونه
يوم قلا اليقين في نفوسنا
صبحت بالجشع مسكونه
القيم الجميله السمحه
اتقطع عقاب دلقونه
في قبضة نفس اماره
تابعين الخطي الملعونه
نايمين والضمائر غافله
كل الماتوا ماوعظونا
مالنا الاولي بيهو فقاري
ناسا بالمرض ممكنونه
لكن يا خساره خساره
شتتناهو فوق القونه
نجري ورا قشور غربيه
لما ذي القطيع قادونا
نحلم بي جواز امريكي
تبقي السكنه في اريزونا
كان ابلغ عقاب رباني
من حرمو الشريف منعونا
قاعدين في البيوت ونلبي
في كل حين كرونا كرونا
ياحافظ في جوف الحوت
نبيا سبحك زنونا
لي ابراهيم قلبت النار
كندشه دون رموت موزونه
سبحانك ظلمنا نفسنا
المال والبنون اغرونا
غفرانك كفوف داعيكا
فاضي ولابصد ماعونه
العربية
