اللهم لا شماته ضايعة بعدي حياته
من جفى وخلا حبيبه يا حبيبي ذي جزاته
يتعب بعمره ويشقى غير حزنه صعب يلقى
فاقد دروب السعادة ملته كل ذكرياته
الله لا شماته
كل شي بان بعيونه حيرته خوفه سكونه
ماهو اللي كنت اعرفه مالي الدنيا جنونه
وده يشكي وده يبكي ماهو قادر حتى يحكي
بس في صمت بتألم منظره شوف وش حلاته
ما يحرك شعرة فيني حتى شوقي مع حنيني
مات كل اللي جمعنا وش بقى بينه وبيني
ماعلي يا ناس منه ماني سائل يوم عنه
لا مكانه هو الأول لا غلاته هي غلاته
اللهم لا شماته
اسم الاغنية : لا شماته
كاتب الاغنية : شام
ملحن الاغنية : فايز السعيد
غناء : عمار العزكي
العربية
