كان كيفى فى ساعة الصبحيه
انزل عالقهوه اللى فى حارتى
على ريحة الفول والطعميه
افطر واتمزج بسجارتى
اسلم على ناسى و اهلى
و اصبح على جارى و جارتى
الحلوه تشوفنى و تندهلى
مظبوطه ساعتها على ساعتى
اتمشى معاها ونتكلم
اضحك واحكيلها وتحكيلى
لحد الدنيا اما تضلم
اسكت فتقول طب غنيلى
اغنى فاشوف لمعة عينها
الاقيها تصلى وتدعيلى
اتوشوش كده بينى و بينها
منا صايع اصلى فى حواريه
تسرح وتقول عرفاك شاعر
تلعب بالكلمه و تفاصيلها
تسلك فى متاهه يا واد شاطر
تحبكها و ترجع تلايمها
انا اصلا مشكلتى فى عينها
تاخدنى بلاد و تودينى
وبلادى اللى انا اصلا منها
بايعانى و بتطلع عينى
سيبتك يا حبيبتى و سبتينى
وانا عاشق لسه بحنلها
محتاج تحضنى تخبينى
انا هرجع تانى على الحاره
لريحة الفول والطعميه
انا زى السمكه فى سناره
طلعت روحها بره المياه
اسم الاغنية : لسه بحنلها
كاتب الاغنية : كريم مجدي
ملحن الاغنية : رامي عصام
غناء : رامي عصام
العربية
